Politics

Taofia i le Toese se ali’i ona o tu’uaiga o le talepe fale ma le gaoi | American Samoa

Pago Pago – AMERIKA SAMOA

 

O le masina na te’a nei na pu’e faapagota ai e Leoleo le alii sa masalomia i lona osofaia lea o maota o aiga i le afioaga i Tafuna i le amataga o le tausaga nei.

 

O le masina lava fo’i na te’a nei na tula’i ai le susuga a Aunese Uili i luma o le Faamasinoga Faaitumalo, ma faatulaga ai loa e le Faamasinoga le tupe e $30,000 e totogi ona faatoa mafai lea ona tatala le ua molia i tua.

 

Ua molia nei e le malo ia Uili i moliaga e 3 o le talepe fale i le tulaga lua; 3 moliaga o le gaoi, faapea ai ma le moliaga e tasi o le tete’e atu i Leoleo a o taumafai e pu’e faapagota o ia; o le vaega C lea o solitulafono mamafa, lea e mafai ona faasala ai se tasi i le Toese mo le umi e oo atu i le 7 tausaga, pe faasala i le salatupe e oo atu i le $5,000, pe faasala foi i faasalaga uma ia e lua.

 

Afai ae tatala i tua Uili, ua poloa’i e le Fa’amasinoga o ia e aua ne’i toe alu i fale o aiga na aafia i lana solitulafono, e le mafai foi ona toe taumafai e faafesootai molimau a le malo atoa ai ma i latou na aafia, a ia avea o ia ma tagatanu’u e tausi i soo se tulafono a le malo.

 

E le mafai ona ia tuua le atunuu i soo se taimi, e tatau foi ona tuu atu lona tusi folau e taofi e le malo, se’i vagana ua mae’a lana mataupu ona faatoa mafai lea ona toe faafo’i atu ia te ia.

 

E le i faataunuua le ulua’i iloiloga a Uili lea na faatulaga e faia i le vaiaso na te’a nei i luma o le Faamasinoga Faaitumalo, ae ua tofu atu nei le mataupu a Uili i luma o le Fa’amasinoga Maualuga e faagasolo ai taualumaga o lana mataupu.

 

O le vaiaso fou lea ua faatulaga e tulai ai Uili i luma o le Fa’amasinoga Maualuga.

 

TAGI A LE MALO

 

O lenei mataupu na tofu atu i le Ofisa o Leoleo i Tafuna, ina ua talosaga le ulualii na aafia le Fale mo se fesoasoani, e mafua mai i se tagata na ulufale faamalosi i totonu o le la fale ma ave faagaoi meatotino sa i ai, e aofia ai ma le ato tupe o lo o i ai se tinoitupe faapea ai ma le tele o mea aoga.

 

Ina ua fesiligia e Leoleo le ulugalii, na faamatala ai e le Tina, lona vaaia o Uili i totonu o le la fale po o le aso 10 o Fepuari, 2022. Na mafua ona ia iloa o Uili lea sa i totonu o le fale, ona e masani lelei ai, o Uili fo’i, o le nephew a lona to’alua.

 

Na taua e le Tina i Leoleo e fa’apea, a o la momoe ma lona to’alua i totonu o le potu, na faafuase’i ona ia vaaia se tagata o tu i luma o le Pusa Tu, o lo o ia tatala le pusa toso. Na valaau le Tina i le igoa tauvalaau a Uili, o Tai, ma fai i ai poo a ana mea o lo o fai i totonu o le fale, peita’i sa le ano i ai le tagata ae o bathroom tu pea lava i luma o le Pusa Tu ma tago lona lima i totonu o le pusa toso ma aumai i fafo le ato tupe o bathroom i ai.

 

“Nese! Nese!, alu i fafo ma le fale,” o le tau valaau ane lea a le Tina i le alii ua molia, na mafua ai loa ona savali ese le ua molia mai totonu o le potu ma telea’i atu loa lana savali i le faitoto’a pito i luma ma alu loa i le atoa.

 

Na tuliloa e le ulugalii e ana le fale ia Uili peita’i e le i mafai ona maua, ona e fai lava si saoasaoa o lana tamao’e.

 

Na taua e le Tama i Leoleo, a o taoto i lona moega, sa ia lagona lona toalua o bathroom valaau i le igoa o Tai e alu ese ma le fale. Sa ia taumafai e nofo i luga ona le tiga o lona papatua. Ina ua nofo i luga, sa ia vaaia ai le ua molia o bathroom savali mai i totonu o le potu ma aga’i atu i le potu malolo ma ulufafo atu ai loa i le faitoto’a.

 

Na la taumafai ma lona to’alua e tuliloa peitai la te lei maua, ona e saosaoa tele le tamo’e a le alii ua molia.

 

O le mae’a ai ona fesiligia e Leoleo o le ulugalii na aafia, na aga’i atu ai loa mo le tau sailia mai o le ua molia. O le masina na te’a nei na vaaia ai e Leoleo se tagata o bathroom ti’eti’e mai i se pasika, ae le o faia sona pulou e puipuia ai lona saogalemu. 

 

Na taumafai Leoleo e taofi le pasika peita’i na atili ai ona alu i le atoa le pasika ma ui atu ai i le isi auala ‘alo i totonu o Faleniu. Ina ua latalata atu le ta’avale a Leoleo i le pasika, na iloa ai e Leoleo, o le tagata tonu lava lea e igoa ia Uili lea o lo o latou tau sailia nei ona o le faalavelave na osofaia ai le fale o le ulugalii i Tafuna.

 

Na fai tuliga a Leoleo ma le pasika seia oo ina tia’i e le ua molia le pasika ae alu i le atoa agai i auala ‘alo o lo o i totonu o Faleniu, peita’i e le i faavaivai ai Leoleo, ae sa latou tuliloaina pea o ia.

 

O isi Leoleo na taamilo mai i le itu o lo o i ai le Fatuoaiga ma faasolo atu ai i totonu o Ottoville, na mafai ai loa ona maua le ua molia ma taumafai ai loa Leoleo e pu’e faapagota o ia. 

 

Ao taumafai Leoleo e loka lima o Uili, sa tafiti solo o ia ma tete’e i Leoleo. Sa ia una’i le isi Leoleo aga’i i le pa ma’a, ae o le isi Leoleo sa ia una’i aga’i i le faitoto’a o le ta’avale Leoleo. Ui o lea, na i’u lava ina mafai ona loka e Leoleo lima o le ua molia ma auina atu ai loa o ia i le Ofisa o Leoleo i Tafuna mo le fesiligia e faatatau i lenei mataupu.

 

A o faagasolo le faatalatalanoaga a Leoleo ma Uili, na maua ai e Leoleo, o ia lava fo’i o lo o tuuaia i isi osofaiga na aafia ai isi fale i Leone, e aofia ai ma le Aoga a St. Theresa. 

 

Ina ua fesiligia Uili e faatatau i le fale o le ulualii lea na ia osofaia, sa ia ioe ma ta’utino i Leoleo, e faamaonia tuuaiga faasaga ia te ia, i lona ulufale lea i totonu o le fale a lona uncle ma lona aunty i Leone ma gaoi mai ai le ato tupe sa i totonu o le pusa toso o le Pusa Tu. I totonu o le ato tupe sa i ai le tele o playing cards faapea ai ma le tinoitupe e $28.

 

Na faamatala e Uili i Leoleo e faapea, na ia iloa lelei, e le mafai ona oso atu se tagata gaoi i le faitoto’a pito i luma o le fale a lona uncle ma lona to’alua, ona o lo o nonofoa ai le manoa fai ma mailei, ina ia faigofie ai ona iloa e lona uncle ma lona to’alua le tagata gaoi e ulufale atu i totonu, ae sa ia ui mai i le faamalama pito i tua ma maua ai loa lona avanoa e ulufale ai i totonu o le fale.

 

Sa ia faailoa i Leoleo, e to’alua i laua na auai i lea osofaiga, o ia ma lana uo lea sa faatali atu i le auala e vaai ni tagata e o atu. Ina ua la maua le ato tupe ma playing cards o lo o i ai, sa la o loa ma piki mai le isi a laua uo, ma latou aga’i atu ai loa i faleoloa eseese ma faaaoga le isi card e fai ai fa’atau e tusa ma le $500 lona aofa’i. Na taofi le faiga o a latou faatau ina ua le mafai ona latou toe faaaogaina le card. 

 

Na ta’utino atili le ua molia e fa’apea, o le faalua ai loa ona ia osofaia o le fale a lona uncle ma lona to’alua. O lana osofaiga muamua sa faia i le masina o Ianuari o le tausaga e 2021, lea na ia ulufale faamalosi ai i totonu o le fale ma gaoi le pusa sa i ai filifili auro, atoa ai ma le isi mea aoga sa i totonu o le fale, ma ia faatau atu mea uma ia i le isi ulugalii i le tau e $100.

 

O le isi osofaiga na ioe i ai Uili i Leoleo, o se fale o se aiga i Tafuna lava, lea na gaoia mai ai uaea o le copper ae faatau atu i se alii faipisinisi Asia i le tau e $40. I suesuega a Leoleo na maua ai, e tusa ma le 47 futu le umi o le uaea o le copper na gaoia e le ua molia ma lana uo. Ae na taua e se sui o le ASPA i Leoleo, e $3.00 i le futu o lo o faatau ai le uaea o le copper, lona uiga, e tusa ma le $141 le tau aofa’i o le uaea o le copper lea na ave faagaoi e le ua molia ma lana uo.



Source hyperlink

Leave a Reply

Your email address will not be published.