Politics

TALA I VAIFANUA | American Samoa

Pago Pago – AMERIKA SAMOA

 

SAUNOA TALAUEGA – FALETUPE FA’ALOTOIFALE “CBAS” FIA FA’ATAUINA LE TBAS

 

I le fonotaga a le Komiti o le COVID-19 ma sui fa’asalalau i le atunuu, na alia’i ai se lagona fa’aalia o le afioga le Sui Kovana, Talauega Eleasalo Ale, e tusa o se mana’oga o lo’o ua fa’aulu e le “Community Bank of American Samoa” (CBAS) e latou te fia fa’atauina le tatou faletupe o i ai nei, Territorial Bank of American Samoa (TBAS).

 

Ua fa’alauiloa aloa’ia e le CBAS le latou lea fanoga e aia i se latou tusi na taua’aoina atu i le afioga Kovana Lemanu ia Aperila 26, 2022, lea ua matua latou fa’aalia ai, lo latou naunauta’iga ina ia latou fa’atautaia le TBAS, ma aga atu ai e faamautu mai le Inisiua a le feterale mo le faletupe, poo le tusi pasi o le FDIC o loo manaomia ele TBAS i le taimi nei.

 

Saunoa fa’apitoa Talauega, “O lo’o tele lava i latou ua fa’ailoa mai lo latou naunautaiga e fia fa’atauina le tatou faletupe fou lenei, ma e tele fo’i mea e ao ina taga’i toto’a lava i ai le taiulu o le tatou malo, e fai si lavelave o mea tau faletupe, ae ou te mautinoa, poo le a lava le fa’ai’uga e o’o i ai lea mataupu, ou te mautinoa o lo’o i le afioga le Kovana le fa’anaunauga, ia saogalemu ma lelei fa’afoe fa’aputuga’oa a le atunu’u. O le fa’ai’uga fo’i e tusa o lea mataupu ogaoga, e pa’u tonu lava i le afioga le Kovana.”

 

Ua ia faailoa, o nisi o talanoaga e le’i mamao atu, “O le isi lea mataupu sa matua fefulisa’ia ai taofi, ina ia mafai ona  vailiilia itu uma e mafai ai ona agava’a le faletupe mo le inisiua a le Malo tele i tulaga tau faletupe poo le FDIC, pe fa’aliliu le faletupe e avea ma Credit Union mo Amerika Samoa.”

 

“O ituaiga o talanoaga na, e mautinoa lava e toe fa’aauau fo’i, ina ia mafai ona fai ma ni fa’amaumauga e faia aga’i i ai le fa’ai’uga a le tatou ta’ita’i, ia mautinoa o lo’o saogalemu ma lelei fa’atautaia fa’aputuga’oa a le atunuu lautele ma le tatou Malo fo’i,” o se tala lea a Talauega.

 

TOFIA LE KOMESINA FOU O LEOLEO I SAMOA TUTOATASI

 

Mo se taimi umi e le’i filifilia lava se tasi e le Palemia e avea ma Komesina o Leoleo a le Malo, peita’i ua to’a le tai a le faigamalo ma ua latou filifilia ma pasia lelei le tofiga o Auapa’au Logoiitino Filipo, a ua latalata ona atoa le tausaga atoa o fa’afoea lea vaega e fa’amalosia tulafono a le Malo, e aunoa ma se Komesina e ta’ita’ia le latou matagaluega.

 

Ua fa’ailoa e le susuga le Minisita o Leoleo, Faualo Harry Schuster, e moni lelei lea tofiga ua mae’a pasia mai fo’i e l Kapeneta, ma ua i ai fo’i le fa’atuatuaga o le Malo o Samoa, o le a fa’afoea e le afioga Auapa’au Harry Schuster on tiute uma e pei ona maea fa’atauto ai o ia e fa’atautaia i taimi uma.

 

O le po o le aso Tofi ua te’a i Samoa na fa’atauto ai loa le afioga le Komesina o Leoleo, ina ua mae’a pasialona tofiga e le Kapeneta i le latou fonotaga na usuia i le taeao lava o lea aso.

 

Ua atoa le 24 tasuaga o tautua Auapa’au Logoitino Filipo i lea matagaluega o se “malu o le malo” ma sa avea fo’i ma Sui Komesina lea sa fa’afoea maia le matagaluega ina ua fa’amavae aloa’ia Fuavalili Egon Keil ia Aukuso 2021.

 

Ua fa’ailoa fo’i e to’afitu ia te ia i latou sa talosaga mo lea avanoa ua ia tula’i ai i le taimi nei.

 

SAUNOA TALAUEGA – FA’ATAGA ONA FA’APA’U PEPE (ABORTION) ONA O MAFUAGA TATAU

 

I le taimi nei, ua e le sui kovana, Talauega Eleasalo Ale, i le fonotaga fa’apitoa ma le ‘au tusitala fa’asalalau, “O lo’o fa’atagaina ona fa’apa’u pepe ona o ni mafua’aga tatau, ae maise lava i tulaga tau le soifua maloloina.”

 

O le faapupulaga auiliili lea a le afioga le Sui Kovana e tusa o lea fa’afesili, aua ua iloga fo’i ona manumalo le itu agai o lea mataupu i se fa’amasinoga tele s faia ma ua talanoaina ai le aia a le Tina i lona tino, ma le aia e fa’amau ai e le Malo poo setete le fa’asa ona toe faapa’uina tamaiti pepe a’o le’i fananau mai. O le fa’amasinoga lea sa faia e le fa’amasinoga maualuga a le Malo tele “Roe vs Wade” faia e le Supreme Court.

 

O le fa’aiuga a lea fa’amasinoga o le a ta aofa’ia ai setete ma teritori uma o le Iunaite Setete ma ona teritori, ae o le a tatau ai i setete ma teritori ta’itasi ona fa’amautu le latou fa’avae se latou tulafono tau le faapau o pepe ae le’i fananau mai.

 

“I le taimi nei i Amerika Samoa e leai lava se suiga ua faia i lea tulafono. O lo’o tumau lava le tulafono i le mea o sau a’i mai le tele o tausaga ua te’a. O le fa’apa’u o le pepe, o le ave’esea mai lea o se ma’itaga mai lona tina, a’o le’i oo i le taimi tatau e fanau ai o ia. O le mea o i ai le tatou tulafono i Amerika Samoa o lo’o tamau ai, e mo’omia ona faia muamua se suesuega a le foma’i o va’aia le ma’itaga o le tina, ma faia lana fa’ai’uga ma ia talanoaina ma matua o le pepe e le’i fanau, afai e malilie i ai, ona o tulaga o le fa’asaoina o le ola o le tina, poo le soifua foi o le pepe, ona fa’ato’a fa’ataunuu lea o le taofoga e ave’sea ai le pepe mai le manava o lona tina.”

 

O le fa’aupuga tonu lea o lea tulafono mo le fa’apa’uina o pepe e le’i atoatoa o latou tino i le manava o latou tina.

 

“E mafai ona fa’ataga ona fa’apa’u se pepe pe afa i ua i ai se foma’i ua sauni mo le taotoga ma ua mae’a saini a’ao fo’i le tina  o le pepe ua malie atoatoa i mea nei – O le a lamatia le soifua o le tina pe afai o le a fa’aauau pea ona tuu le pepe i le manava o lona tina; Pe afai e fa’aauau pea ona i ai le pepe o afuafua i le manava o lona tina. Ua fa’amaonia le a’afia ai o le mafaufau ma le soifua maloloina lelei o lona tina.”

 

O se tagata ua ta’usalaina ua ia fa’apa’uina se pepe o afuafua ae ua mae’a i ai le ola, pe afai o le a ia fa’aaogaina se mea faigaluega, auupega poo ni vaila’au oona poo nisi lava mea e le’i masani ona fa’aaoga e le tina o ma’itaga ma le fa’amoemoe maualuga e ‘ave’ese ai le pepe mai le manava o lona tina. E fa’atoa fa’atagaina lava nei faiga uma pe afai ua mae’a fa’amauina suesuega ua ta’ua i luga. I le taimi nei o le fa’apa’u o se pepe o se solitulafono puipui D i fa’asalaga mamafa.

 

FA’ATONU SILI FOU LE TUMAU – TOESE & VAEGA O SAILIGA & TAU TOE LAVEA’I 

 

A’o le’i malaga le afioga le Kovana Sili Lemanu PS Mauga i lana malaga i fafo i le masina ua te’a sa ia mua’i fa’atulagaina ma tofia nisi o vaega fou o le Malo. O lo ua ia tofia le fa’atonusili le tumau mo vaega fou e lua ua i ai nei: Pulega o le To’ese ma le Vaega Fou ua tu’ufa’atasia i ai le EMS ma le Marine Patrol  lea sa i lalo o le Matagaluega o le Puipuiga o le Saogalemu Lautele.

 

O le susuga ia Upuese Galoia, ua filifilia e ma Sui Fa’atonu le tumau o le Ofisa o Sailiga ma Galuega Faasao o le Soifua mo le mamalu lautele o le atunuu.

 

I le vaega a le To’ese poo le Nofoaga o Sala a le Malo fa’atasi ai ma le Nofoaga o fanau nofosala e le’i mae’a le pule’aga a le Malo ma Matua, Juvenile, ua tofia i ai le susuga Leone Faiai e avea ma fa’atonu sili le tumau. O ia lea sa tofia o le Sui Pule o le Falepuipui talu mai le amataga o le nofoaiga fou a le faigamalo o Amerika Samoa, Lemanu -Talauega.



Source link

Leave a Reply

Your email address will not be published.